Brasilíumaðurinn Richarlison hefur farið vel af stað með Everton eftir félagaskipti sín frá Watford í sumar. Margir settu spurningamerki að Everton skyldi greiða 50 milljónir punda fyrir hann en hann hefur passað vel inn í liðið.
Richarlison átti erfitt uppdráttar í æsku en fótboltinn hjálpaði honum mikið.
Hann var næstum því búinn að hætta í fótbolta en hann segir að fótbolti hafi verið eina leiðin fyrir sig til að ná árangri í lífinu. Hann var ekki góður nemandi, langt því frá.
„Fótboltinn var mína eina von. Ég var ekki góður í skóla og til að gefa ykkur hugmynd um það hversu slakur ég var, þá féll ég í myndmennt þó kennarinn var frændi minn," sagði Richarlison við blaðamenn.
Richarlison er 21 árs. Hann lék í gær sinn fjórða landsleik fyrir Brasilíu og óhætt er að segja að hann sé á uppleið í fótboltanum.
Richarlison: Not an artist 😂 pic.twitter.com/dy9AvmvkXg
— BT Sport Score (@btsportscore) November 16, 2018
Athugasemdir