Belgíski varnarmaðurinn Thomas Vermaelen verður frá vegna meiðsla þar til um miðjan janúar og mun Barcelona því aðeins vera með tvo liðtæka miðverði í næstu leikjum.
Vermaelen er þekktur fyrir að vera mikill meiðslapési en hann hefur aðeins komið við sögu í 28 deildarleikjum á fjórum árum hjá Barcelona.
Börsungar eru einungis með fjórða miðverði í leikmannahóp sínum og líklegt að Luis Enrique þjálfari muni nota miðjumenn, bakverði eða unglinga til að fylla í skarðið.
Samuel Umtiti er frá þar til í apríl þannig Gerard Pique og Clement Lenglet eru einu miðverðirnir sem geta spilað. Næsti leikur Börsunga er á laugardaginn gegn Celta Vigo og honum fylgir rúmlega tveggja vikna jólafrí.
Meiðsli Vermaelen gætu verið alvarlegt vandamál fyrir Barca ef liðið krækir sér ekki í annan miðvörð í janúarglugganum, enda á liðið fimm leiki á tveimur vikum í janúar.
Vermaelen reif vöðva á kálfa í 0-5 sigri gegn Levante um helgina er Barcelona náði þriggja stiga forystu á toppi spænsku deildarinnar.
Athugasemdir