Hægri bakvörðurinn Viðar Ari Jónsson er að öllum líkindum á förum frá norska félaginu Brann.
Viðar Ari kom til Brann frá Fjölni fyrir tæpum tveimur árum en síðastliðið sumar var hann á láni hjá FH í Pepsi-deildinni.
Viðar Ari kom til Brann frá Fjölni fyrir tæpum tveimur árum en síðastliðið sumar var hann á láni hjá FH í Pepsi-deildinni.
Bergens Tidende segir frá því í dag að sænska úrvalsdeildarliðið Örebro hafi áhuga á að fá Viðar Ara í sínar raðir.
Ólafur Garðarsson, umboðsmaður Viðars, segir að ekkert sé öruggt ennþá en nokkur félög hafa sýnt leikmanninum áhuga.
„Þetta er ekki komið á hreint en það eru nokkur lið með áhuga. Bæði frá Svíþjóð og Noregi," sagði Ólafur við Fótbolta.net.
Viðar Ari er 24 ára gamall en hann á fimm A landsleiki að baki á ferlinum.
Athugasemdir