Fjögur stig skilja liðin að í fimmta og sjötta sæti og er Alaves aðeins einu stigi á eftir Real Madrid í Meistaradeildarsæti.

Real Madrid mætir til leiks á laugardaginn þegar Sevilla kemur í heimsókn í stórleik sem verður sýndur beint á Stöð 2 Sport 3. Liðin eru jöfn á stigum í þriðja og fjórða sæti deildarinnar.

Botnlið Huesca tekur svo á móti Atletico Madrid sem er í öðru sæti, fimm stigum eftir Barcelona. Celta Vigo og Valencia mætast svo í síðasta leik laugardagsins, en tvö stig skilja liðin að í ótrúlega þéttum neðri hluta deildarinnar.

Á sunnudaginn er einnig þétt dagskrá þar sem Real Betis mætir Girona fyrir hádegi og Villarreal tekur svo á móti Athletic Bilbao.

Topplið Barcelona fær Leganes í heimsókn í síðasta leik sunnudagsins og er búist við sigri Börsunga á Nývangi eftir góða frammistöðu gegn Levante í bikarnum.

Síðasti leikur helgarinnar fer fram mánudagskvöldið, þegar Eibar tekur á móti Espanyol.

Föstudagur:
20:00 Getafe - Alaves

Laugardagur:
15:15 Real Madrid - Sevilla (Stöð 2 Sport 3)
17:30 Huesca - Atletico Madrid (Stöð 2 Sport 2)
19:45 Celta Vigo - Valencia (Stöð 2 Sport)

Sunnudagur:
11:00 Real Betis - Girona
15:15 Villarrreal - Athletic Bilbao
17:30 Levante - Valladolid
17:30 Vallecano - Real Sociedad
19:45 Barcelona - Leganes (Stöð 2 Sport 3)

Mánudagur:
20:00 Eibar - Espanyol