banner
   fös 18. janúar 2019 11:00
Elvar Geir Magnússon
Verður Solskjær ráðinn til frambúðar?
Fær hann starfið til frambúðar?
Fær hann starfið til frambúðar?
Mynd: Getty Images
The Sun segir að stjórn Manchester United ætli að funda með Ole Gunnar Solskjær og að möguleiki sé á að hann verði ráðinn stjóri liðsins til frambúðar.

Solskjær hefur náð að blása óveðursskýjunum í burtu frá Old Trafford og unnið alla sex leikina síðan Jose Mourinho var rekinn. Norðmaðurinn var ráðinn út tímabilið.

Blaðið segir að Solskjær hafi heillað stjórnarmenn sem hafi ekki trú á því að möguleiki sé að fá Mauricio Pochettino frá Tottenham næsta sumar.

Eftir að Solskjær stýrði United til sigurs gegn Tottenham er sagt að Solskjær fái tækifæri til að útskýra sínar framtíðarhugmyndir og sannfæra æðstu menn innan United um að hann eigi að halda áfram við stjórnvölinn.

Solskjær hefur talað reglulega við Sir Alex Ferguson síðan hann tók við og mun betri taktur hefur verið á liðinu. Paul Pogba hefur til að mynda blómstrað.

Eni Aluko, fyrrum leikmaður enska kvennalandsliðsins, er pistlahöfundur hjá Guardian og í nýjasta pistli sínum segir hún að United ætti að nota höfuðið en ekki hjartað þegar framtíðarstjóri verður ráðinn.

„Stjórn United ætti að spyrja sig hvort Solskjær geti leitt liðið til sigurs í Meistaradeildinni í framtíðinni? Ef margir stuðningsmenn myndu fá þessa spurningu í dag væru þeir ekki vissir. Ef stjóri eins og Zinedine Zidane, sem vann Meistaradeildina þrjú ár í röð sem stjóri Real Madrid, yrði ráðinn yrði meiri fullvissa meðal stuðningsmanna," segir Aluko.

United mætir Brighton á Old Trafford á morgun.
Stöðutaflan England Premier league - karlar
  L U J T ms: mf: mun Stig
1 Arsenal 28 20 4 4 70 24 +46 64
2 Liverpool 28 19 7 2 65 26 +39 64
3 Man City 28 19 6 3 63 28 +35 63
4 Aston Villa 29 17 5 7 60 42 +18 56
5 Tottenham 28 16 5 7 59 42 +17 53
6 Man Utd 28 15 2 11 39 39 0 47
7 West Ham 29 12 8 9 46 50 -4 44
8 Brighton 28 11 9 8 50 44 +6 42
9 Wolves 28 12 5 11 42 44 -2 41
10 Newcastle 28 12 4 12 59 48 +11 40
11 Chelsea 27 11 6 10 47 45 +2 39
12 Fulham 29 11 5 13 43 44 -1 38
13 Bournemouth 28 9 8 11 41 52 -11 35
14 Crystal Palace 28 7 8 13 33 48 -15 29
15 Brentford 29 7 5 17 41 54 -13 26
16 Everton 28 8 7 13 29 39 -10 25
17 Luton 29 5 7 17 42 60 -18 22
18 Nott. Forest 29 6 7 16 35 51 -16 21
19 Burnley 29 4 5 20 29 63 -34 17
20 Sheffield Utd 28 3 5 20 24 74 -50 14
Hvernig fer Man City - Arsenal á sunnudag?
Athugasemdir
banner
banner