Kristján Flóki er á leið í pólsku úrvalsdeildina
Íslenski framherjinn Kristján Flóki Finnbogason er að ganga til liðs við pólska úrvalsdeildarfélagið Arka Gdynia. Þetta kemur fram á heimasíðu félagsins í dag.
Kristján, sem er fæddur árið 1995, er uppalinn í FH en árið 2013 samdi hann við danska stórliðið FCK.
Hann hélt aftur heim í FH eftir dvöl sína þar og stóð sig afar vel sem varð til þess að hann landaði samning hjá norska liðinu Start.
Hann var ári síðar lánaður til sænska úrvalsdeildarliðsins Brommapojkarna er liðið var í fallbaráttu. Liðið endaði í þriðja neðsta sæti deildarinnar og þurfti að spila í umspili til þess að halda sæti sínu en það tapaði gegn Eskilstuna og leikur því í B-deildinni á komandi tímabili.
Kristján er nú á leið í pólsku úrvalsdeildina þar sem hann mun spila með Arka Gdynia.
Hann á fjóra leiki að baki með íslenska A-landsliðinu og hefur þá tekist að skora eitt mark.
Arka Gdynia er í ellefta sæti deildarinnar með 25 stig en átta leikir eru eftir af tímabilinu.
⚽️🏃♂️Kristjan Floki Finnbogason na testach w Arce.
— Arka Gdynia (@ArkaGdyniaSSA) February 18, 2019
📰Czytaj więcej: https://t.co/EHf5zqMEwO pic.twitter.com/JggqDUZZRI
Athugasemdir
