Enska B-deildarfélagið Leeds United fékk í dag 200 þúsund punda sekt fyrir að njósna á æfingu Derby County í síðasta mánuð. Þetta kemur fram á BBC í dag.
Marcelo Bielsa, knattspyrnustjóri Leeds, hélt langan blaðamannafund í síðasta mánuði þar sem hann útskýrði að hann væri að fylgjast grannt með öllum liðunum í B-deildinni.
Hann sagði að það færi mikil vinna í því að undirbúa liðið fyrir hvern leik en þrjú hundruð tíma vinna fer í það fyrir hvern leik.
Það hefur fengist niðurstaða í þessu máli en Leeds er gert að greiða 200 þúsund pund í sekt og þá hefur félagið fengið aðvörun.
Refsingin verður töluvert þyngri ef það reynir að beita sömu vinnubrögðum aftur. Í kjölfarið verða settar nýjar reglur en liðum verður ekki heimilt að fylgjast með æfingum annarra liða 72 tímum fyrir leiki nema liðunum sé sérstaklega boðið að mæta á æfingar.
Leeds er í 3. sæti deildarinnar með 61 stig, tveimur stigum frá toppliði Norwich City.
Athugasemdir