Heimamenn í Lazio byrjuðu frábærlega. Ciro Immobile kom boltanum í netið á 13. mínútu en markið dæmt af vegna rangstöðu, en aðeins fimm mínútum síðar skoraði liðið fullkomlega löglegt mark.

Immobile lagði boltann út á Gustav Isaksen sem skoraði með föstu skoti í vinstra hornið.

Oussama El Azzouzi jafnaði metin tuttugu mínútum síðar eftir glórulausar ákvarðanir heimamanna. Lazio átti aukaspyrnu í eigin teig. Ivan Provedel, markvörður Lazio, fékk boltann en átti slæma sendingu úr teignum sem neyddi Luis Alberto til að senda hann aftur á Provedel. Markvörðurinn átti slæma móttöku sem endaði með því El Azzouzi komst í boltann og skoraði. Neyðarlegt í alla staði.

Joshua Zirkzee tryggði Bologna sigurinn með marki á 78. mínútu leiksins. Níunda deildarmark hans á tímabilinu.

Bologna vann 2-1 og er nú í 5. sæti með sjö stiga forystu á næsta lið en Lazio í 8. sæti með 37 stig.

Empoli og Fiorentina gerðu 1-1 jafntefli og var niðurstaðan sú sama í leik Udinese og Cagliari.

Úrslit og markaskorarar:

Empoli 1 - 1 Fiorentina
0-1 Lucas Beltran ('30 )
1-1 M'Baye Niang ('56 , víti)

Lazio 1 - 2 Bologna
1-0 Gustav Isaksen ('18 )
1-1 Oussama El Azzouzi ('39 )
1-2 Joshua Zirkzee ('78 )

Udinese 1 - 1 Cagliari
1-0 Jordan Zemura ('14 )
1-1 Gianluca Gaetano ('44 )