Callum Hudson-Odoi varð fyrir kynþáttaníð er Chelsea rúllaði yfir Dynamo Kiev í 16-liða úrslitum Evrópudeildarinnar.
Chelsea hafði unnið fyrri leikinn 3-0 heima og þurfti útivallarmark til að koma sér í góða stöðu í Kænugarði.
Útivallarmarkið var ekki lengi að koma og því fylgdu fleiri mörk sem endaði á 0-5 sigri. Hinn ungi Hudson-Odoi skoraði og lagði upp í leiknum.
„Við staðfestum að lítill hópur stuðningsmanna Dynamo Kiev beindi kynþáttaníð að leikmanni okkar á lokamínútum leiksins í Kænugarði," segir í yfirlýsingu frá Chelsea.
„Við fordæmum þessa hegðun og höfum kært til UEFA. Við reiknum með að evrópska knattspyrnusambandið muni rannsaka málið og bregðast rétt við."
Athugasemdir