Enski boltinn gæti farið aftur af stað í sumar en ef það gerist er ljóst að lítið sem ekkert af áhorfendum mega mæta á leikinn til að forðast smithættu vegna kórónuveirunnar.
Líklegast er að leikið verði fyrir luktum dyrum og eru úrvalsdeildarfélög að velta því fyrir sér hvort upptökur geti fyllt í skarð áhorfenda.
Stór partur af fegurð knattspyrnunnar eru stuðningsmenn og stemningin sem þeir skapa á vellinum. Án stemningarinnar er fótbolti á svona háu stigi orðinn skrýtinn, bæði fyrir áhorfendur og leikmenn sjálfa.
The Times greinir frá því að Brighton sé meðal félaga sem eru að íhuga þessa lausn. Þetta yrði ekki í fyrsta sinn sem upptökur eru notaðar til að bæta stemningu í enska boltanum. Manchester City, Tottenham og West Ham eru meðal félaga sem hafa nýtt þessa tækni á undanförnum árum.
Athugasemdir