Bild heldur því fram að Borussia Dortmund sé að undirbúa samningstilboð fyrir einn af sínum bestu leikmönnum, ungstirnið Jadon Sancho.
Sancho er aðeins tvítugur en er búinn að skora fjórtán mörk og leggja upp sextán í 23 leikjum á þýska deildartímabilinu.
Helstu lið enska boltans hafa mikinn áhuga á Sancho og hefur hann verið orðaður við Manchester United og Chelsea meðal annars.
Í tilraun sinni til að halda Sancho mun Dortmund bjóða honum tíu milljónir evra í árslaun, sem gera tæplega 200 þúsund evrur á viku.
Dortmund er í öðru sæti þýsku deildarinnar sem stendur, með 51 stig eftir 25 umferðir, fjórum stigum eftir toppliði FC Bayern.
Athugasemdir