Butt varði mark Leverkusen í sex ár. Hann lék þó aðeins fjóra A-landsleiki enda í baráttu við Oliver Kahn og Jens Lehmann um byrjunarliðssæti.
Í fótboltalausa tímabilinu er um að gera að rifja upp gamalt og gott mark.
Í dag förum við sextán ár aftur í tímann og rifjum upp skrautlegt atvik sem átti sér stað í þýska boltanum 17. apríl 2004.
Bayer Leverkusen heimsótti þar Schalke í stórleik og var staðan 1-2 fyrir gestina þegar þeir fengu dæmda vítaspyrnu.
Markvörðurinn Hans-Jörg Butt var vítaskytta liðsins og skoraði úr spyrnunni. Hann fagnaði dátt með liðsfélögunum, svo dátt að hann heyrði ekki í dómaraflautunni og sneri baki í boltann.
Heimamenn í Schalke nýttu sér það og skoraði Mike Hanke frá miðju. Staðan var því orðin 2-3 á 77. mínútu en meira var ekki skorað. Bernd Schneider og Dimitar Berbatov gerðu hin tvö mörk Leverkusen í leiknum.
Tímabilið 2003-04 var ansi skrautlegt í Þýskalandi þar sem Werder Bremen varð meistari. Leverkusen endaði í þriðja sæti og Schalke í því sjöunda.
Ef þú átt hugmynd að góðu marki til að rifja upp sendu þá tölvupóst á [email protected]
Eldra efni í „gamla markið"
On this day in 2004 Leverkusen goal keeper Hans Jörg Butt scored a penalty and then immediately conceded a goal while still celebrating because Schalke's Mike Hanke scored directly from kick-off. from r/soccer
Athugasemdir
