Jón Gísli Eyland Gíslason, leikmaður ÍA, var til viðtals hjá Fótbolti.net í kvöld. Hann segir þar frá áhuga erlendra liða á sér.
„Ég veit af miklum áhuga frá tveimur félögum en það er allt í biðstöðu vegna meiðslanna sem ég lendi í í byrjun árs," sagði Jón Gísli í greininni.
Þar segir hann frá því að hann hafi átt að fara til reynslu til norska félagsins Start í upphafi árs en ekki komist vegna meiðsla sem hann varð fyrir.
Hann segir þá einnig að hann hafi til þessa farið tvisvar sinnum til Norrköping á reynslu og honum líst vel á félagið.
Fréttaritari spurði Jón Gísla hvort Start og Norrköping væru þessi tvö félög sem hann nefnir að hafa mikinn áhuga og Jón Gísli staðfesti það.
Athugasemdir