Fotbolti.net
18.04.24 - 11:07
Elvar Geir Magnússon

Arnór: Tæklingin fáránleg og læknar sögðu mig heppinn að ekki fór verr

Arnór Sigurðsson er 24 ára.

Arnór Sigurðsson er 24 ára.

Canon

Mynd: Fótbolti.net - Hafliði Breiðfjörð

Icelandair
Arnór Sigurðsson meiddist á ökkla eftir ljóta tæklingu í 4-1 sigri Íslands gegn Ísrael í umspilinu í síðasta mánuði.

Ísraelinn Roy Revivo fór í háskalega tæklingu á Arnór og uppskar rautt spjald en Arnór mun ekki spila meira á tímabilinu og getur ekki hjálpað félagsliði sínu, Blackburn Rovers, á lokasprettinum í Championship.
Staðfestir að Arnór spilar ekki meira á tímabilinu
TENGT EFNI

Staðfestir að Arnór spilar ekki meira á tímabilinu

Arnór hefur verið talsvert á meiðslalistanum á sínu fyrsta tímabili með Blackburn en hann þurfti að bíða þar til í stepmber með að spila sinn fyrsta leik fyrir liðið vegna nárameiðsla.

Arnór segir við heimasíðu Blackburn að endurhæfingin sé að ganga vel en það hafi verið erfið vika þegar hann komst að því að hann myndi ekki spila meira á tímabilinu.

„Þetta er samt hluti af fótboltanum. En það er erfitt að geta ekki tekið þátt, sérstaklega ekki þegar við erum í þessari baráttu. Allir leikir eru mikilvægir og það hefur verið erfitt að geta ekki hjálpað liðinu," segir Arnór en Blackburn er fimm stigum fyrir ofan fallsvæðið.

„Þetta eru meiðsli sem taka sinn tíma. Við erum ekki að að horfa á einhverja sérstaka dagsetningu því það er ómögulegt fyrir mig að koma til baka áður en tímabilið klárast."

Vissi hann að meiðslin yrðu alvarleg þegar tæklingin átti sér stað?

„Ég óttaðist það, þetta var í raun fáránlegt tækling. Þegar ég talaði við læknana eftir þetta sögðu læknarnir að ég hefði verið heppinn að þetta fór ekki verr, að ég hefði ekki ökklabrotnað," segir Arnór í viðtalinu.

Heimild: Blackburn

Arnór fagnar í leik með Blackburn.

Arnór fagnar í leik með Blackburn.

Canon

Mynd: Getty Images

Championship - karlar

#LiðLmunStig
1Birmingham15+1429
2Middlesbrough15+1129
3Stoke City15+629
4Wolves15+828
5West Brom15+828
6Southampton16+1527
7QPR16+727
8Swansea15+426
9Norwich16+924
10West Ham15+1423
11Sheffield Utd15+222
12Portsmouth15+222
13Blackburn15-121
14Cardiff City16-118
15Wrexham15-218
16Millwall16-518
17Bristol City15-818
18Bolton15-917
19Charlton Athletic15-1017
20Watford15-1015
21Lincoln City15-1115
22Burnley15-910
23Derby County16-1710
24Preston NE15-178
Slapp
Fotbolti.net

© Copyright 2002-2026 Fotbolti.net / Fotbolti Ehf. All rights reserved.