Sóknarmaðurinn Wilfried Bony fær ekki nýjan samning hjá Swansea og verður því félagslaus í sumar.
Ásamt Bony eru Leroy Fer, Martin Olsson og Luciano Narsingh að yfirgefa Swansea.
Bony er þrítugur. Hann kom fyrst til Swansea 2013 og spilaði með liðinu til 2015, en þá var hann keyptur til Manchester City fyrir 25 milljónir punda. Swansea keypti hann aftur 2017 fyrir 12 milljónir punda.
Meiðsli settu strik í reikninginn hjá Bony og spilaði hann lítið fyrir Swansea frá því hann gekk aftur í raðir félagsins.
Bony var í janúar síðastliðnum lánaður til Al Arabi í Katar. Þar er Heimir Hallgrímsson við stjórnvölinn. Bony skoraði í sjö mörk í níu keppnisleikjum fyrir liðið.
Það er spurning hvort Heimir reyni að fá hann aftur en hann þakkaði félaginu fyrir á Twitter.
„Það var heiður að ganga í raðir Al Arabi í janúar. Það var mikilvægt fyrir mig eftir langvarandi meiðsli. Ég þakka Al Arabi fyrir tækifærið. Allir hafa verið stórkostlegir. Ég óska ykkur góðs gengis fyrir næsta tímabil. Núna er það fjölskyldutími og bið eftir næstu áskorun," skrifaði Bony.
I was honored to join Al Arabi SC on loan in January. My return was vital after a long-term injury. I thank Al Arabi for the opportunity. Everyone has been amazing. Wishing you guys good luck for the next season. It's family's time now & let's wait for the next challenge . GBY 🙏 pic.twitter.com/dURXPGyA4Y
— Wilfried Bony (@wilfriedbony) May 17, 2019
Athugasemdir