Í dag fer fram úrslitaleikur ensku FA bikarkeppninnar. Þar mætast Englandsmeistarar Manchester City og Watford.

Watford komst í úrslitaleikinn eftir framlengdan leik við Wolves í undanúrslitunum. Síðan þá hefur liðið spilað sex leiki og aðeins unnið einn þeirra. Liðið tapaði síðustu þremur deildarleikjum sínum og endaði í ellefta sæti úrvalsdeildarinnar.

Man City kláraði Brighton með einu marki gegn engu. Eftir þann leik hafa Englandsmeistararnir spilað átta leiki og unnið alla nema einn, fyrri leikinn gegn Tottenham í 8-liða úrslitum Meistaradeildarinnar.

Manchester City vann fyrr í vetur enska Deildabikarinn og er eins og fyrr segir Englandsmeistari svo sigur í dag yrði þriðji titilinn á leiktíðinni. Liðið er einnig handhafi Samfélagsskjöldsins.

Leikurinn hefst klukkan 16:00 í dag og er í beinni útsendingu á Stöð2Sport. Leikurinn fer fram á Wembley í London.