Lokaumferðin í þýsku Bundesliga fer fram í dag. Spennan á toppnum er mikil og einnig mikil barátta um Evrópusæti. Alla leikina og stöðutöfluna í deildinni má sjá neðst í fréttinni.

Bayern hefur tveggja stiga forskot á Dortmund í baráttunni um meistaratitilinn. Jafntefli dugar Bayern á heimavelli gegn Frankfurt. Frankfurt er eins og er í sjötta sæti, stigi eftir Gladbach sem situr í fjórða sætinu svo mikið er undir hjá gestunum í Munchen.

Dortmund heimsækir einmitt Gladbach á sama tíma. Dortmund verður að vinna og treysta á að Frankfurt sigri í Munchen. Gerist það þá verður Dortmund Þýskalandsmeistari.

Bayer Leverkusen er í fimmta sæti með jafnmörg stig og Frankfurt. Leverkusen heimsækir höfuðborgina og mætir þar Herthu sem er í 10. sæti deildairnnar.

Þá eru Wolfsburg, Bremen og Hoffenheim í harðri baráttu um sjöunda-, og síðasta Evrópudeildarsætið. Fallbarátunni í Bundesliga er lokið og ljóst að Hannover og Nurnberg falla. Stuttgart fer í fallumspil við þriðja efsta sætið í 2. Bundesliga.

Þrír leikir verða í beinni útsendingu á rásum SportTV.