Talsmaður frá Arsenal hefur tjáð sig um mál Alexandre Lacazette sem tók myndband af sjálfum sér innbyrða hláturgas á dögunum.
Lacazette sendi myndbandið til vina sinna og það endaði hjá enskum fjölmiðlum sem keppast harkalega um fréttir í miðjum heimsfaraldri.
„Við munum leysa þetta mál innan félagsins. Félagið tekur þessu mjög alvarlega," sagði talsmaður Arsenal.
Hláturgas, sem er notað sem deyfingarlyf af tannlæknum, er ekki ólöglegt á Englandi en notkun þess sæmir ekki hegðun fyrirmyndar. Þetta er í annað sinn á tæpum tveimur árum sem Lacazette er myndaður við að innbyrða hláturgas og fékk franski sóknarmaðurinn aðvörun í fyrra skiptið, ásamt liðsfélögum sínum á borð við Mesut Özil og Pierre-Emerick Aubameyang.
Sjá einnig:
Lacazette tók hláturgas og dreyfði myndbandinu
Leikmenn Arsenal aðvaraðir eftir að hafa fengið sér hláturgas
Athugasemdir