Daniel Sturridge rifti samningi sínum hjá Trabzonspor í mars eftir að hafa verið settur í fjögurra mánaða bann vegna brots á veðmálareglum þegar hann var á mála hjá Liverpool.
Sturridge er sagður í viðræðum við tvö félög í MLS um félagaskipti eftir að leikbannið klárast. Sturridge skoraði sjö mörk í fimmtán leikjum með Trabzonspor.
Samkvæmt heimildum Goal eru bæði DC United og Inter Miami sögð hafa áhuga á enska framherjanum.
DC United hefur ekki fundið arftaka Wayne Rooney hjá félaginu. Inter Miami, sem er í eigu David Beckham, er einnig sagt í framherjaleit og Sturridge gæti verið sá rétti fyrir nýja félagið.
Athugasemdir