Í einum partinum ræðir Chiellini um franska ungstirnið Kylian Mbappe sem er lykilmaður í liði PSG og talinn til bestu knattspyrnumanna heims þrátt fyrir að vera aðeins 21 árs.

„Hver á eftir að verða næsta stórstjarna og sanka að sér titlum og einstaklingsverðlaunum eftir að Cristiano og Messi hætta að spila? Það er Frakkinn Kylian Mbappe, sannarlega einstakur leikmaður," skrifaði Chiellini.

„Ég sá hann í fyrsta sinn í sjónvarpinu í Meistaradeildinni 2016-17 með Mónakó gegn Manchester City. Hann var frábær. Eftir fyrri hálfleikinn spurði ég Fabio Paratici: 'Hver er þetta? Frá hvaða plánetu er hann?'

„Fabio svaraði: 'Já við höfum fylgst með honum í smá tíma. Þetta er óstöðvandi sóknarmaður'. Á þessum tíma var hann aðeins 18 ára gamall.

„Við mættum honum í undanúrslitum þetta tímabilið. Núna er hann 21 árs og er nú þegar orðinn heimsmeistari. Hann er snöggur, tæknilegur og með gott innsæi... hann vantar ekki neitt.

„Mér finnst Mbappe vera betri heldur en Neymar. Framtíðin er hans."