Spilað er fyrir luktum dyrum, eins og verður gert í öðrum deildum þegar þær fara aftur af stað.

Mikið hefur verið rætt um leiki fyrir luktum dyrum þar sem hluti fólks er þeirrar skoðunar að það sé ekki þess virði að spila fótbolta án stuðningsmanna. Stuðningsmenn og andrúmsloftið sem þeir skapa sé það sem geri knattspyrnu að knattspyrnu.

Aðrir eru ósammála þessu og telja Jürgen Klopp, stjóra Liverpool, hafa hitt naglann á höfuðið með einföldum ummælum sínum í gær.

„Við byrjuðum öll að spila fótbolta án áhorfenda og við elskuðum þennan leik útaf öðrum hlutum heldur en andrúmsloftinu sem skapast á stórum leikvangi," sagði Klopp.