banner
   mán 18. júní 2018 22:40
Guðmundur Aðalsteinn Ásgeirsson
Tilkynnt um slasaða önd er Ísland spilaði við Argentínu
Rólegt að gera hjá lögreglu
Icelandair
Mynd: Fótbolti.net - Hafliði Breiðfjörð
Metfjöldi horfði á beina sjónvarpsútsendingu frá leik Íslands og Argentínu á RÚV á laugardaginn samkvæmt bráðabirgðatölum frá Gallup. RÚV greinir frá þessu.

Nánast öll þjóðin fylgdist með leiknum sem endaði í 1-1 jafntefli.

Það var lítið að gera hjá lögreglunni eins og Gunnar Rúnar Sveinbjörnsson, upplýsingafulltrúi lögreglunnar í Reykjavík, lýsti í Síðdegisútvarpinu á Rás 2 í dag. Aðeins tvær bókanir voru í málaskrá lögreglu á meðan leiknum í Moskvu stóð.

„Á sama tíma og Sergio Agüero skoraði og kemur Argentínu í 1-0 þá fáum við tilkynningu um slasaða önd í Sundahverfi í Kópavogi," sagði Gunnar Rúnar.

Öndin reyndist heil á húfi þegar lögreglumenn komu á vettvang.

Hitt málið sem lögreglan þurfti að takast á við var það að lögreglumaður þurfti að sinna vegabréfaskoðun á Reykjavíkurflugvelli.

Hlusta má á viðtalið við Gunnar hérna.
Athugasemdir
banner
banner
banner
banner