El Hadji Diouf, fyrrum leikmaður Liverpool, segir að félagið eigi ekki möguleika á að berjast um titilinn á komandi tímabili.
Diouf lék aðeins tvö tímabil með Liverpool en hann samdi við félagið árið 2002 eftir að hafa gert góða hluti á HM 2002 með senegalska landsliðinu.
Hann skoraði aðeins 6 mörk í 79 leikjum á tveimur tímabilum áður en hann var lánaður í Bolton. Diouf er ekki mikill aðdáandi Liverpool og hefur þá oft gagnrýnt Jamie Carragher og Steven Gerrard, fyrrum leikmenn félagsins.
Liverpool endaði í 2. sæti ensku úrvalsdeildarinnar á síðasta tímabili með 97 stig, aðeins stigi á eftir Manchester City. Diouf telur að Liverpool eigi ekki möguleika á að vinna titilinn á næsta tímabili.
„Þeir voru mjög góðir á síðasta tímabili en ég held að þeir geti ekki endurtekið leikinn í ár. Þeir misstu af tæklfærinu til að vinna titilinn á síðasta tímabili og öll tímabil eru ólík og miðað við hvernig liðið lagði allt í sölurnar þá er það ómögulegt að þeir nái sama árangri á næsta tímabili" sagði Diouf.
„Þeir voru ótrúlegir á því tímabili en sjáði hvernig þeir töpuðu titlinum, með aðeins einu stigi. Þannig ég verð að vera raunsær."
„Ég stend fastur á þeirri skoðun að liðið geti ekki endurtekið leikinn frá síðasta tímabili og haldið sama gæðastimpil," sagði hann í lokin.
🗣 “They missed the chance to win the title last season. They went all out for it and it will be impossible for them to do it again this season”
— Ladbrokes (@Ladbrokes) July 18, 2019
El Hadji Diouf has his say on Liverpool! 👀#LFC [@MirrorFootball] pic.twitter.com/q0oYQSvQ45
Athugasemdir