Spænska stórveldið Barcelona er búið að leggja fram nýtt 90 milljón evra tilboð í Neymar hjá Paris Saint-Germain. Franska liðið hefur þá fengið lista með sex leikmönnum sem PSG getur valið sér en Sky í Þýskalandi greinir frá þessu.
Þessi 27 ára gamli sóknarmaður mætti aftur til æfinga hjá PSG á dögunum og fór fram á sölu í leiðinni.
Barcelona vill fá hann aftur til Spánar en félagið hefur nú lagt fram tilboð í leikmanninn.
Samkvæmt Sky í Þýskalandi þá er Barcelona búið að bjóða PSG 90 milljónir evra auk þess sem franska liðið má velja tvo leikmenn.
Barcelona afhenti PSG sex manna lista af leikmönnum sem það er tilbúð að losa sig við en á listanum eru leikmenn á borð við Philippe Coutinho og Ousmane Dembele.
Ivan Rakitic, Nelson Semedo og Malcom eru einnig á listanum en ekki er vitað hver er sjötti maður á blaði.
Neymar er óánægður í París og er útlit fyrir að hann yfirgef PSG í bráð. Neymar kom til franska félagsins frá Barcelona árið 2017 fyrir metfé eða 222 milljónir evra.
BREAKING: Barcelona have bid £90m plus two players for PSG forward Neymar, according to Sky in Germany.
— Sky Sports News (@SkySportsNews) July 18, 2019
Athugasemdir