„Skaginn er gott fótboltalið en við vorum inn í þessum leik allan tímann. Við vorum klaufar í báðum mörkunum og hefðum ekki átt að fá þessi mörk á okkur."
Sagði Brynjar Þór Gestsson þjálfari ÍR eftir 2-0 tap gegn ÍA í dag.
Sagði Brynjar Þór Gestsson þjálfari ÍR eftir 2-0 tap gegn ÍA í dag.
Lestu um leikinn: ÍR 0 - 2 ÍA
„Mér fannst þeir ekki vera að skapa sér neinn skapaðan hlut fyrr en þeir skora seinna markið og þá opnast þetta svolítið hjá okkur og við fáum rautt spjald. Við vorum óheppnir að skora ekki í byrjun seinni hálfleiks þegar Brynjar Óli gerir vel og kemur sér í gott færi."
ÍR voru alveg brjálaðir undir lok fyrri hálfleiks þegar þeir vildu fá víti og Binni var ekki sáttur með ákvörðun dómarans.
„Við áttum að fá púra víti og ég bara alveg hættur að botna í þessu. Það virðist engu máli skipta hvernig brotin eru og hversu augljós þau eru. þetta bara fær að sigla og það er hundfúlt."
Það voru gerðar sjö breytingar á liðið ÍR fyrir leikinn og menn sem hafa spilað minna í sumar komu inn.
„Við nýtum bara hópinn, það er spilað ansi skart núna, fjórir leikir á fjórtán dögum. Við búum bara það vel að þetta er jafn hópur og menn geta stigið inn fyrir hvorn annan. Þeir sem spiluðu í dag áttu það fyllilega skilið."
Binni hefur sankað að sér nokkrum aðdáendum á Twitter fyrir skemmtileg viðtöl í sumar.
„Ég er ekki á Twitter ég er old school, ég rétt kann á Facebook og get sent skilaboð, það er nóg."
Athugasemdir