„Þetta vítaklúður lýsir kannski hvernig leikurinn var. Mér fannst við vera mikið betra liðið inn á vellinum, sérstaklega í fyrri hálfleik. Við fengum fullt af færum til að bæta við og hefðum átt að klára þá," sagði Hallgrímur Mar Steingrímsson, leikmaður KA, eftir 1-1 jafntefli gegn ÍBV.
Lestu um leikinn: ÍBV 1 - 1 KA
Halldór Páll í marki ÍBV varði vítaspyrnu frá Hallgrími á síðustu stundu í uppbótartíma seinni hálfleiks.
ÍBV var að ná í sitt fyrsta stig síðan 2. júní síðastliðinn.
„Auðvitað ætluðum við að koma hingað og ná í þrjú stig. Fyrir fram erum við betra lið og eigum að sjálfsögðu að fá þrjú stig, en við gerum ekki nóg til þess - því miður."
Hvernig leið honum eftir að vítið var varið?
„Ég hefði ekki átt að svekkja mig svona mikið, ég hefði örugglega getað náð frákastinu. Ég hljóp bara inn í klefa og brotnaði niður. Þetta var ólýsanlega óþægilegt."
Viðtalið er hér að ofan. KA er í níunda sæti með 20 stig. Liðið er enn í harðri fallbaráttu.
