Pétur Pétursson verður áfram þjálfari Vals í Pepsi-deild kvenna á næsta ári en þetta staðfesti hann í samtali við vef Morgunblaðsins í gærkvöldi.
Valur tapaði 4-1 gegn Þór/KA í gær og er í 4. sæti deildarinnar fyrir okaumferðina.
Pétur er að ljúka sínu fyrsta ári sem þjálfari Vals en hann er þrautreyndur þjálfari sem áður þjálfaði meðal annars karlalið KR og Fram auk þess að vera aðstoðarlandsliðsþjálfari.
„Það er bæði búið að vera frábært og misjafnt og slæmt. Við getum sagt að ég viti meira núna en ég vissi í fyrra þegar ég tók við. Ég held svo áfram með liðið,“ sagði Pétur við mbl.is um sumarið.
Hér að neðan má sjá Pétur í viðtali við Fótbolta.net eftir leikinn gegn Þór/KA í gær.
Pétur lýsti þar sumrinu hjá Valskonum í nokkrum orðum: „Sól, rigning og þoka að mestu leiti.“
Athugasemdir
