Matilde Fidalgo er leikmaður liðsins en hún spilar einnig með landsliði Portúgal. Hér er hún í leik gegn Japan.
Kvennalið Benfica sem stofnað var í enda árs 2017 spilaði sinn fyrsta mótsleik nú á dögunum. Leiknum lauk með 28-0 sigri Benfica en liðið hefur fengið til sín nokkra leikmenn úr kvenna landsliði Portúgal.
Liðið komst yfir strax á 2. mínútu leiksins en staðan í hálfleik var 16-0. Darlene de Souza sem kom til klúbbsins í apríl skoraði heil átta mörk.
Þrátt fyrir yfirburði Benfica þarf liðið að hefja sinn feril í 2. deild þar sem liðið er nýtt. Miðað við þessi úrslit verða þær fljótar að komast upp um deild.
Þessi úrslit eru þau stærstu í sögu meistaraflokks knattspyrnu í Portúgal en fyrra met átti Sporting en árið 1971 unnu þeir 21-0 sigur í bikarkeppninni þar í landi.
Athugasemdir