Byrjunarlið Tottenham í Grikklandi: Lucas Moura og Dele Alli byrja

Tottenham heimsækir Olympiakos til Grikklands í fyrsta leik dagsins í riðlakeppni Meistaradeildarinnar.

Leikurinn hefst klukkan 16:55 en í hinum leik riðilsins mætast Bayern München og Rauða Stjarnan í kvöld.

Tottenham fór alla leið í úrslitaleik Meistaradeildarinnar á síðasta tímabili en beið þar lægri hlut gegn Liverpool.

Varnarmennirnir Danny Rose og Serge Aurier eru hvíldir og ferðuðust ekki með Tottenham til Grikklands. Juan Foyth er ekki klár og á meiðslalistanum eru Ryan Sessegnon og Giovani Lo Celso sem keyptir voru í sumar.

Byrjunarlið Tottenham: Lloris (f), Alderweireld, Sanchez, Vertonghen, Davies, Winks, Ndombele, Eriksen, Dele, Lucas, Kane.