Meistaraflokkur kvenna hjá Gróttu tryggði sér sæti í Inkasso-deildinni með glæsilegum 3-0 sigri á heimavelli í lokaumferð sumarsins.
Grótta fylgir Völsungi upp í Inkasso-deildina en Húsvíkingar gjörsamlega völtuðu yfir deildina, með 11 sigra og 1 jafntefli.
Í spilaranum hér fyrir ofan er hægt að sjá skemmtilegt myndband sem var sett saman af þessu tilefni. Þar er myndbrot úr síðasta deildarleik Gróttu og fögnuðinum í klefa að leikslokum.
Það er mikil sókn í gangi í fótboltanum hjá Gróttu en karlaliðið er í toppbaráttu Inkasso-deildarinnar og þarf aðeins eitt stig til að tryggja sér sæti í Pepsi Max-deildinni.
