Það er úr nógu að taka í ítölsku úrvalsdeildinni um helgina og verður sýnt frá öllum nema tveimur leikjum.
Juventus, Inter og Atalanta eru í þremur efstu sætunum. Atalanta spilar í fyrsta leik helgarinnar á morgun gegn Lazio á útivelli. Það ætti að verða hörkuleikur.
Napoli, sem er í fjórða sæti, sækir Hellas Verona heim klukkan 16:00 á morgun og í lokaleik dagsins taka Ítalíumeistarar Juventus á móti Bologna.
Í fyrsta leik sunnudagsins fer Inter í heimsókn til Sassuolo. Heimaliðið, Sassuolo, spilaði ekki um síðustu helgi vegna þess að Giorgio Squinzi, eigandi og forseti félagsins, féll frá.
Alls eru sex leikir á sunnudaginn og í lokaleiknum spilar Milan við Lecce. Það er fyrsti leikur hins óvinsæla Stefano Pioli með Milan. Hann tók við af Marco Giampaolo, sem var rekinn eftir aðeins fjóra mánuði í starfi.
Pioli er með mikla reynslu úr ítölsku A-deildinni og var til dæmis þjálfari Inter, nágranna og erkifjenda AC Milan, 2016-17 en þar tapaði hann 10 af 27 leikjum.
Á tíma sínum hjá Inter opinberaði hann það að vera af mikilli Inter fjölskyldu og að hann hefði alist upp við að styðja liðið. Mikil óánægja var meðal stuðningsmanna AC Milan yfir ráðningunni á Pioli og á samfélagsmiðlum var farið að kalla eftir því að hann verði rekinn, áður en hann er í raun ráðinn!
Í lokaleik umferðarinnar mætast Brescia og Fiorentina á mánudagskvöld.
laugardagur 19. október
13:00 Lazio - Atalanta (Stöð 2 Sport 3)
16:00 Napoli - Verona (Stöð 2 Sport 3)
18:45 Juventus - Bologna (Stöð 2 Sport 2)
sunnudagur 20. október
10:30 Sassuolo - Inter (Stöð 2 Sport)
13:00 Sampdoria - Roma (Stöð 2 Sport 2)
13:00 Udinese - Torino
13:00 Cagliari - Spal
16:00 Parma - Genoa (Stöð 2 Sport)
18:45 Milan - Lecce (Stöð 2 Sport)
mánudagur 21. október
18:45 Brescia - Fiorentina (Stöð 2 Sport)
Stöðutaflan
Ítalía
Serie A - karlar
Ítalía
Serie A - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Inter | 11 | 8 | 0 | 3 | 26 | 12 | +14 | 24 |
| 2 | Roma | 11 | 8 | 0 | 3 | 12 | 5 | +7 | 24 |
| 3 | Milan | 11 | 6 | 4 | 1 | 17 | 9 | +8 | 22 |
| 4 | Napoli | 11 | 7 | 1 | 3 | 16 | 10 | +6 | 22 |
| 5 | Bologna | 11 | 6 | 3 | 2 | 18 | 8 | +10 | 21 |
| 6 | Juventus | 11 | 5 | 4 | 2 | 14 | 10 | +4 | 19 |
| 7 | Como | 11 | 4 | 6 | 1 | 12 | 6 | +6 | 18 |
| 8 | Sassuolo | 11 | 5 | 1 | 5 | 14 | 12 | +2 | 16 |
| 9 | Lazio | 11 | 4 | 3 | 4 | 13 | 9 | +4 | 15 |
| 10 | Udinese | 11 | 4 | 3 | 4 | 12 | 17 | -5 | 15 |
| 11 | Cremonese | 11 | 3 | 5 | 3 | 12 | 13 | -1 | 14 |
| 12 | Torino | 11 | 3 | 5 | 3 | 10 | 16 | -6 | 14 |
| 13 | Atalanta | 11 | 2 | 7 | 2 | 13 | 11 | +2 | 13 |
| 14 | Cagliari | 11 | 2 | 4 | 5 | 9 | 14 | -5 | 10 |
| 15 | Lecce | 11 | 2 | 4 | 5 | 8 | 14 | -6 | 10 |
| 16 | Pisa | 11 | 1 | 6 | 4 | 8 | 14 | -6 | 9 |
| 17 | Parma | 11 | 1 | 5 | 5 | 7 | 14 | -7 | 8 |
| 18 | Genoa | 11 | 1 | 4 | 6 | 8 | 16 | -8 | 7 |
| 19 | Verona | 11 | 0 | 6 | 5 | 6 | 16 | -10 | 6 |
| 20 | Fiorentina | 11 | 0 | 5 | 6 | 9 | 18 | -9 | 5 |
Athugasemdir
