Stærsti leikur ársins í spænsku úrvalsdeildinni er um næstu helgi. Barcelona fær Real Madrid í heimsókn á sunnudaginn.
Ronald Koeman hefur verið mikið gagnrýndur á þessari leiktíð og talinn vera í mjög heitu sæti. Liðið vann um helgina og situr í 7. sæti.
Liðið verður mögulega án lykilmanna um næstu helgi. Ousmane Dembele hefur ekki enn spilað á þessari leiktíð vegna meiðsla en hann er nýbyrjaður að æfa.
Miðvörðurinn Ronald Araujo meiddist á læri í landsleikjahléinu með Úrugvæ og undrabarnið Pedri er einnig að kljást við meiðsli á læri.
Þremenningarnir missa af öllum líkindum af viðureign liðsins gegn Dynamo Kiev í Meistaradeildinni á miðvikudaginn.
Athugasemdir