Rúnar Alex bíður enn eftir fyrsta leik sínum með Leuven í Belgíu. Hann er þar á láni frá enska úrvalsdeildarfélaginu Arsenal.

Leuven kom til baka með tveimur mörkum í uppbótartíma; mögnuð endurkoma hjá þeim.

Stuðningsmenn Standard voru brjálaðar og var flugeldum hent inn á völlinn í uppbótartímanum. Það sprakk einn flugeldurinn við hliðina á markverði Leuven, Rafael Romo.

Hann heyrði ekki með hægra eyranu í kjölfarið og í gær var heyrnin ekki enn komin til baka. Hann mun gangast undir rannsóknir í dag og vonandi verða niðurstöðurnar jákvæðar.

Það má búast við því að Standard fái harða refsingu fyrir þetta. Bruno Venanzi, stjórnarformaður Standard, fór inn í klefa hjá Leuven eftir leik og baðst afsökunar.

Rúnar Alex gæti spilað næsta leik - gegn Sint-Truiden - ef Romo verður ekki búinn að jafna sig.