Það átti sér stað óhugnarlegur atburður í stúkunni á St. James' Park í Newcastle í gær, á meðan heimamenn spiluðu við Tottenham í ensku úrvalsdeildinni.
Undir lok fyrri hálfleiksins benti Sergio Reguilon, bakvörður Tottenham, upp í stúku. Hann sá eitthvað. Hann benti dómaranum Andre Marriner á það sem var að gerast.
Marriner stoppaði leikinn og dró leikmenn til hliðar. Eric Dier, liðsfélagi Reguilon, sá einnig hvað var að gerast. Hann hljóp í átt að varamannabekkjunum og sagði mönnum að drífa sig. Í kjölfarið hljóp maður með hjartastuðtæki yfir völlinn.
Stuðningsmaður hneig niður í stúkunni. Sem betur fer fór allt vel; stuðningsmaðurinn komst aftur til meðvitunar og er líðan hans núna stöðug.
Eftir leik var atvikið til umræðu hjá Sky Sports. Var Reguilon og Dier þakkað fyrir viðbrögð sín, og voru þeir báðir útnefndir sem bestu menn vallarins. Þeirra viðbrögð björguðu mögulega mannslífi.
"It is entirely possible that they have saved someone's life today."
— Sky Sports Premier League (@SkySportsPL) October 17, 2021
Sergio Reguilón and Eric Dier have been named joint Premier League Men of the Match for #NEWTOT after their swift-actions during an incident during the first-half. pic.twitter.com/OfFrGJjVOU
Athugasemdir