Jose Mourinho var rekinn úr starfi sínu í morgun eftir skelfilegan fyrri hluta tímabils í ensku úrvalsdeildinni þar sem 19 stig skilja liðið að frá Liverpool í toppsætinu.

Orðrómur fór á kreik í dag um að Solskjær væri líklegur til að taka við og virðist eitthvað vera til í því vegna þess að opinber vefsíða Manchester United birti óvart myndband af Solskjær fyrr í kvöld til að tilkynna hann sem nýjan stjóra.

Myndbandið var af Solskjær þegar hann skoraði fyrir Man Utd í úrslitaleik Meistaradeildarinnar 1999 og undir stóð „Solskjaer verður tímabundinn stjóri félagsins 20 tímabilum eftir að hann innsiglaði þrennuna með ÞESSU marki á Camp Nou..."

Solskjær stýrði varaliði Man Utd áður en hann var fenginn yfir til Molde í norska boltanum. Solskjær gerði Molde að Noregsmeisturum tvö ár í röð og var svo fenginn yfir til Cardiff City þar sem hann féll með félagið úr úrvalsdeildinni. Í dag er hann við stjórnvölinn hjá Molde.