Það er í rauninni aðeins tímaspursmál hvenær að Liverpool tryggir sér sigur í ensku úrvalsdeildinni, í fyrsta sinn í 30 ár.
Eftir 2-0 sigur á Manchester United í dag er Liverpool með 16 stiga forskot á toppnum og á leik til góða.
Liverpool hefur átt ótrúlegu gengi að fagna og unnið 21 af 22 deildarleikjum sínum á tímabilinu. Þá hefur liðið tekið 91 af síðustu 93 mögulegum stigum í deildinni. Magnað.
91 - Liverpool have taken 91 points from the last 93 available to them in the Premier League (P31 W30 D1 L0). Insanity. pic.twitter.com/pbHDfG6PM5
— OptaJoe (@OptaJoe) January 19, 2020
Á vefsíðunni Goal.com er farið yfir það í kvöld hvenær Liverpool mun mögulega tryggja sér titilinn.
Liverpool þarf í mesta lagi 30 stig til viðbótar til þess að tryggja sér titilinn. Ef Liverpool heldur áfram að ná í úrslit eins og þeir hafa verið að gera (og ef keppinautarnir vinna sína leiki) þá gæti Liverpool tryggt sér titilinn þann 4. apríl gegn Manchester City.
Manchester United vann titilinn árið 2001 þann 14. apríl og átti þá eftir að spila fimm leiki. Það er metið eins og er. Ef Liverpool vinnur titilinn þann 4. apríl þá væri það nýtt met, en liðið ætti þá sex leiki eftir.
Það er þá eins og gefur að skilja, ef Leicester og Manchester City, þau lið sem eru næst Liverpool í töflunni, halda áfram að tapa stigum, þá gæti Liverpool unnið titilinn enn fyrr.
Liverpool hefur átt ótrúlegt tímabil í deildinni til þessa og það verður fróðlegt að sjá hvort liðið geti bætt stigamet Manchester City (100 stig) og hvort liðið geti jafnvel farið ósigrað í gegnum tímabilið eins og Arsenal gerði 2003/04.
Jurgen Klopp er einbeittur eins og hann lét í ljós eftir sigurinn á United í kvöld. „Allir eiga að fagna stöðunni, nema við. Ekkert hefur breyst. Við erum í sömu stöðu, plús þrjú stig," sagði Klopp.
Næsti leikur Liverpool er útileikur gegn Úlfunum á fimmtudaginn.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 28 | 18 | 7 | 3 | 56 | 21 | +35 | 61 |
| 2 | Man City | 27 | 17 | 5 | 5 | 56 | 25 | +31 | 56 |
| 3 | Aston Villa | 27 | 15 | 6 | 6 | 38 | 28 | +10 | 51 |
| 4 | Man Utd | 27 | 13 | 9 | 5 | 48 | 37 | +11 | 48 |
| 5 | Chelsea | 27 | 12 | 9 | 6 | 48 | 31 | +17 | 45 |
| 6 | Liverpool | 27 | 13 | 6 | 8 | 42 | 35 | +7 | 45 |
| 7 | Brentford | 27 | 12 | 4 | 11 | 40 | 37 | +3 | 40 |
| 8 | Bournemouth | 27 | 9 | 11 | 7 | 43 | 45 | -2 | 38 |
| 9 | Everton | 27 | 10 | 7 | 10 | 29 | 31 | -2 | 37 |
| 10 | Fulham | 27 | 11 | 4 | 12 | 38 | 41 | -3 | 37 |
| 11 | Newcastle | 27 | 10 | 6 | 11 | 38 | 39 | -1 | 36 |
| 12 | Sunderland | 27 | 9 | 9 | 9 | 28 | 33 | -5 | 36 |
| 13 | Crystal Palace | 27 | 9 | 8 | 10 | 29 | 32 | -3 | 35 |
| 14 | Brighton | 27 | 8 | 10 | 9 | 36 | 34 | +2 | 34 |
| 15 | Leeds | 27 | 7 | 10 | 10 | 37 | 46 | -9 | 31 |
| 16 | Tottenham | 27 | 7 | 8 | 12 | 37 | 41 | -4 | 29 |
| 17 | Nott. Forest | 27 | 7 | 6 | 14 | 25 | 39 | -14 | 27 |
| 18 | West Ham | 27 | 6 | 7 | 14 | 32 | 49 | -17 | 25 |
| 19 | Burnley | 27 | 4 | 7 | 16 | 29 | 52 | -23 | 19 |
| 20 | Wolves | 28 | 1 | 7 | 20 | 18 | 51 | -33 | 10 |
Athugasemdir
