„Þetta eru ekki verstu úrslit í heimi," sagði Jordan Henderson, fyrirliði Liverpool, eftir markalaust jafntefli gegn Bayern München í fyrri leik liðanna í 16-liða úrslitum Meistaradeildarinnar.
„Við erum vonsviknir að skora ekki, en við héldum hreinu og vörðumst vel. Við fengum nægilegt magn af færum, sérstaklega í fyrri hálfleiknum."
„Frammistaðan var góð en það vantaði svolítið upp á þegar á síðasta þriðjunginn var komið."
„Bayern er með gott lið sem getur haldið boltanum vel. Á ákveðnum tímapunktum í leiknum fór það í taugarnar á okkur. Við vorum óheppnir fyrir framan markið."
„Við erum enn á lífi í þessu einvígi. Við verðum að halda í sjálfstraustið. Þetta verður erfitt, en við erum með reynslu í Meistaradeildinni. Við getum farið þangað og sært þá," sagði Henderson að lokum.
Athugasemdir