Það er frí í rússnesku úrvalsdeildinni fram í mars og hefur Íslendingalið CSKA Moskvu flúið kuldann sem er í Rússlandi og farið í hitann á Spáni.
CSKA spilaði í dag æfingaleik gegn FC Cartagena sem er á toppnum í riðli 4 í C-deild Spánar.
Svo fór að CSKA vann 3-1 sigur. Skagamaðurinn Arnór Sigurðsson gerði tvö mörk fyrir CSKA í leiknum. Arnór í stuði á Spáni.
Hörður Björgvin Magnússon lék líka með CSKA í leiknum.
CSKA er í þriðja sæti rússnesku úrvalsdeildarinnar með 30 stig eftir 17 umferðir. Á toppnum er Zenit með fjórum stigum meira.
Hér að neðan má sjá mörk Arnórs í dag.
Athugasemdir
