U17 ára landslið kvenna sigraði Írland 3-0 í vináttuleik sem fór fram í Fífunni í gærkvöldi.
Það voru þær Andrea Marý Sigurjónsdóttir, Þórhildur Þórhallsdóttir og Ída Marín Hermannsdóttir sem skoruðu mörk Íslands.
Ída María, leikmaður Fylkis, skoraði fallegasta mark leiksins með glæsilegu langskoti.
Ída á ekki langt að sækja fótboltahæfileikana því foreldrar hennar, Hermann Hreiðarsson og Ragna Lóa Stefánsdóttir spiluðu bæði með íslenska landsliðinu á sínum tíma.
Liðin mætast aftur á miðvikudaginn. Sá leikur fer fram í Kórnum og hefst klukkan 12:00.
Hér má sjá mörkin úr leiknum í gær.
Athugasemdir