27. umferð ensku úrvalsdeildarinnar. Hvaða leikmenn hafa verið bestir á tímabilinu hingað til? Football365 setti saman topp tíu lista.
10) Aaron Wan-Bissaka - Crystal Palace: Þessi 21 árs bakvörður Palace hefur verið eins og vél á tímabilinu.
9) Declan Rice - West Ham: Þessi tvítugi varnarmaður hefur ákveðið að leika fyrir England. Mörg stórlið horfa til hans eftir frammistöðuna á tímabilinu.
8) Paul Pogba - Man Utd: Var slakur undir Mourinho en hefur farið með himinskautum að undanförnu.
7) Raheem Sterling - Man City: Sköpunarmáttur Sterling hefur verið ógnvænlegur.
6) Son Heung-min - Tottenham: Hefur verið skuggalega mikilvægur fyrir Spurs og talað um að hann sé að fara að fá aðra launahækkun sína á tímabilinu.
5) Mo Salah - Liverpool: Fékk nokkra gagnrýni í upphafi tímabils enda kröfurnar gríðarlega háar eftir síðasta tímabil.
4) Sergio Aguero - Man City: Duglegur að skora og ekki síst í stórleikjunum.
3) Bernardo Silva - Man City: Draumur þjálfarans. Hefur leikið frábærlega, bæði úti á væng og í gegnum miðjuna.
2) Eden Hazard - Chelsea: Var ótrúlegur á fyrstu mánuðum mótsins en hefur aðeins gefið eftir, rétt eins og liðið í heild.
1) Virgil van Dijk - Liverpool: Ber höfuð og herðar yfir aðra varnarmenn í deildinni í dag. Ef Liverpool verður meistari á hann risastóran þátt í því.
Athugasemdir
