Memphis er á óskalista stórliðs Barcelona á Spáni en félagið reyndi að næla í hann í fyrra en þá gengu skiptin ekki í gegn.

Lyon hefur reynt að bjóða Hollendingnum gull og græna skóga en hann hefur hingað til ekki viljað framlengja. Samningur leikmannsins rennur út í sumar.

„Við munum alltaf trúa því að hann muni skrifa undir fyrir næstu leiktíð. Eins og er þá er það ekki mögulegt en af hverju ekki?" sagði Aulas.

„Hann er leikmaður í heimsklassa. Það eru ekki margir eins og hann í liðinu, hann kemur með lausnir."

„Ég hef alltaf viljað halda honum en okkar tilboð var ekki nóg til að sannfæra hann. Við hjálpuðum honum að komast til Barcelona en fjárhagslega var það ekki hægt."