Kane var ekki með Tottenham í gær er Jose Mourinho og hans menn unnu 4-1 sigur á Wolfsberger í Evrópudeildinni.

Kane er að jafna sig af smávægilegu hnjaski en það hefur verið mikið álag á enska landsliðsfyrirliðanum á þessu tímabili.

„Liðið hefði getað verið sterkara með Harry Kane, Gio Lo Celso eða Sergio Reguilon en þeir gátu ekki ferðast," sagði Mourinho.

„Ég tel að hann verði klár [fyrir leikinn gegn West Ham] en svo reynslumikill leikmaður sem hefur meiðst í gegnum tíðina þekkir sinn líkama betur en allir aðrir."

„Hann veit að ég vil að hann spili hverja einustu mínútu í hverjum einasta leik."