Arminia Bielefeld steinlá á heimavelli í kvöld er liðið spilaði við Wolfsburg í þýsku Bundesligunni.

Bielefeld fékk ansi óvænt stig í síðustu umferð er liðið gerði 3-3 jafntefli við topplið Bayern Munchen á útivelli.

Það sama var ekki upp á teningnum í kvöld en Wolfsburg vann sannfærandi 3-0 sigur og er enn í þriðja sæti deildarinnar.

Bielefeld er í fallsæti eftir 21. umferð og er með 18 stig. Hertha Berlin er sæti ofar og er einnig með 18 stig.

Wolfsburg er á mikilli siglingu og er í þriðja sætinu, sjö stigum á eftir toppliði Bayern.