„Ég er ánægður fyrir hans hönd. Hann á þetta skilið," sagði Alfreð Finnbogason, sóknarmaður íslenska landsliðsins, þegar hann var spurður út í tíðindin varðandi Aron Einar Gunnarsson.
Aron Einar hefur samið við Al-Arabi í Katar og gengur í raðir félagsins síðar á þessu ári. Heimir Hallgrímsson þjálfar Al-Arabi.
Aron Einar hefur samið við Al-Arabi í Katar og gengur í raðir félagsins síðar á þessu ári. Heimir Hallgrímsson þjálfar Al-Arabi.
„Hann er búinn að vera um tíu ár á Englandi og ég skil hann mjög vel. Forgangsatriðin breytast með aldrinum. Þegar menn fá tækifæri verða þeir oft að hugsa hvað er sjálfum þeim fyrir bestu."
Í Katar er ekki sama tempó og líkamlega barátta og er í enska boltanum. Auk þess standa Katarar fremst í heiminum þegar kemur að sjúkraþjálfun.
„Ég held að þetta muni nýtast landsliðinu nokkuð vel. Hann getur örugglega lengt sinn feril með því að spila í Katar. Ég er fyrst og fremst ánægður fyrir hans hönd."
Viðtalið við Alfreð má sjá í heild hér að neðan.
Athugasemdir