Sjötta sætið í ensku Úrvalsdeildinni gefur sæti í Evrópudeildinni. Liðið sem lendir þar þarf mögulega að fara í gegnum undankeppni til þess að komast í riðlakeppni Evrópudeildarinnar. Sex auka Evrópuleikir er kannski ekki eitthvað sem þessi stóru lið vilja í upphafi tímabilsins.

Það er þó ekkert rosalega sennilegt. Hér eru tvær ástæður fyrir því að liðið í sjötta sæti gæti þurft að fara í undankeppni Evrópudeildarinnar. Bæði þarf að gerast til þess að sjötta liðið þarf að fara í gegnum undankeppni.

City vinnur ekki FA Cup

Manchester City er eina liðið af efstu sex liðum deildarinnar sem er eftir í ensku Bikarkeppninni. Ef Manchester City vinnur ekki þýðir það að Brighton, Wolves eða Watford vinnur bikarinn. Það lið fer þá beint í riðlakeppni Evrópudeildarinnar.

Ef City vinnur bikarinn færist farmiðinn í riðlakeppnina niður í sjötta sæti deildarinnar.

Arsenal, Spurs, Chelsea, Manchester United vinna ekki Evrópudeildina eða Meistaradeild Evrópu

Ef að eitt af þessum liðum endar í sjötta sæti en vinnur sína Evrópukeppni fer það lið að sjálfsögðu beint í riðlakeppni Meistaradeildarinnar.

Fimmta sætið gefur keppnisrétt í riðlakeppni Evrópudeildarinnar. Stöðuna í deildinni má sjá hér að neðan.