Níu hýsingartillögur hafa borist FIFA og hefur ein þeirra vakið sérstaklega mikla athygli þar sem um ræðir sameinað mót Suður- og Norður-Kóreu.

Það yrði vægast sagt áhugavert að fylgjast með stórmóti í Norður-Kóreu, sem er eitt af fáum löndum heimsins sem er stjórnað af einræðisherra.

Þá hafa samskipti Suður- og Norður-Kóreu ekki verið sérlega góð í gegnum tíðina og þá sérstaklega á síðustu árum þar sem stríði hefur verið hótað oftar en einu sinni.

Þar fyrir utan hafa tillögur borist frá Argentínu, Ástralíu, Bólivíu, Brasilíu, Japan, Kólumbíu, Nýja-Sjálandi og Suður-Afríku.