þri 19. mars 2019 06:00
Sæbjörn Þór Þórbergsson Steinke
Wes Morgan framlengir við Leicester
Wes Morgan, lengst til hægri.
Wes Morgan, lengst til hægri.
Mynd: Getty Images
Wes Morgan, fyrirliði Leicester, hefur framlengt samning sinn við félagið um eitt ár. Nýr samningur gildir út næsta tímabil.

Morgan, sem er 35 ára, spilaði alla leiki Refanna í Leicester þegar félagið vann ensku Úrvalsdeildina tímabilið 2015-16.

Hann hefur spilað nítján leiki á þessari leiktíð og skoraði meðal annars sigurmark liðsins gegn Burnley á laugardag.

Morgan kom til Leicester árið 2012 frá Nottingham Forest og kostaði eina milljón punda. Leikurinn um liðna helgi var 700. leikur Morgan á ferlinum.
Athugasemdir
banner
banner
banner