Mikil óvissa er í fótboltaheiminum og annars staðar vegna kórónuveirunnar.
Mörg knattspyrnufélög koma til með að lenda í fjárhagsvandræðum og Daniel Cohn-Bendit, franskur stjórnmálamaður, hélt því fram að verð á fótboltamönnum muni snarlækka. Hann tók sem dæmi að Kylian Mbappe, leikmaður Paris Saint-Germain, muni kosta 35-40 milljónir evra þegar veiran er yfirstaðin.
„Mbappe mun kosta 35-40 milljónir evra í mesta lagi, ekki 200 milljónir," sagði Cohn-Bendit við Ouest-France.
Gerard Lopez, forseti Lille, blandaði sér í umræðuna. Hann er ekki sammála þessu og segir hann: „Verðið á bestu leikmönnunum mun ekki lækka því ríkustu félög heims munu reyna að kaupa þessa leikmenn."
Lopez býst þó ekki við að það verði ekki mikið um risakaup á næsta leikmannamarkaði, þó að markaðurinn eigi það nú til að koma á óvart.
Athugasemdir