Það er enn mikil spenna bæði í Evrópu- og fallbaráttunni í ítalska boltanum og eru mikilvægir leikir á dagskrá í dag.
Fyrsti leikur dagsins er viðureign Chievo og Sampdoria. Sá leikur verður sýndur beint hér á landi en hvorugt lið er að spila upp á sæti. Chievo er löngu fallið og Sampdoria mun enda í 9. sæti sama hvað gerist.
Eftir hádegi er hörkuleikur í Empólí þegar Torino kíkir í heimsókn. Heimamenn í Empoli eru búnir að vinna tvo leiki í röð og myndi þriðji sigurinn fara langleiðina með að bjarga þeim frá falli.
Torino er aftur á móti í sjöunda sæti, tveimur stigum frá Evrópudeildinni og fimm stigum frá Meistaradeild.
Parma og Fiorentina eigast einnig við í fallbaráttunni. Gestirnir frá Flórens hafa ekki unnið keppnisleik í fótbolta síðan 17. febrúar og eru fimm stigum frá falli. Parma er tveimur stigum neðar.
AC Milan getur þá haldið Meistaradeildarvonum sínum á lífi með sigri á heimavelli gegn föllnu liði Frosinone.
Síðustu leikir dagsins eru jafnframt stórleikirnir. Juventus fær tækifæri til að hefna sín á Atalanta eftir viðureign liðanna í útsláttarkeppni bikarsins. Atalanta hafði betur 0-3 á Allianz Stadium og þarf annan sigur í dag í Meistaradeildarbaráttunni.
Napoli fær þá Inter í heimsókn og getur skotið þeim skelk í bringu í Evrópubaráttunni. Napoli er öruggt í öðru sæti, tíu stigum á undan Inter sem gæti verið búið að missa þriðja sætið til Atalanta eftir leiki dagsins.
Leikir dagsins:
10:30 Chievo - Sampdoria (Stöð 2 Sport 2)
13:00 Empoli - Torino
13:00 Parma - Fiorentina
16:00 Milan - Frosinone (Stöð 2 Sport 4)
18:30 Juventus - Atalanta (Stöð 2 Sport 4)
18:30 Napoli - Inter (Stöð 2 Sport 3)
Stöðutaflan
Ítalía
Serie A - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Inter | 32 | 26 | 5 | 1 | 77 | 17 | +60 | 83 |
2 | Milan | 32 | 21 | 6 | 5 | 63 | 37 | +26 | 69 |
3 | Juventus | 33 | 18 | 10 | 5 | 45 | 24 | +21 | 64 |
4 | Bologna | 32 | 16 | 11 | 5 | 45 | 25 | +20 | 59 |
5 | Roma | 31 | 16 | 7 | 8 | 56 | 35 | +21 | 55 |
6 | Lazio | 33 | 16 | 4 | 13 | 42 | 35 | +7 | 52 |
7 | Atalanta | 31 | 15 | 6 | 10 | 57 | 36 | +21 | 51 |
8 | Napoli | 32 | 13 | 10 | 9 | 50 | 40 | +10 | 49 |
9 | Torino | 32 | 11 | 12 | 9 | 31 | 29 | +2 | 45 |
10 | Fiorentina | 31 | 12 | 8 | 11 | 43 | 36 | +7 | 44 |
11 | Monza | 32 | 11 | 10 | 11 | 34 | 41 | -7 | 43 |
12 | Genoa | 33 | 9 | 12 | 12 | 35 | 40 | -5 | 39 |
13 | Cagliari | 33 | 7 | 11 | 15 | 34 | 54 | -20 | 32 |
14 | Lecce | 32 | 7 | 11 | 14 | 27 | 48 | -21 | 32 |
15 | Verona | 32 | 6 | 10 | 16 | 30 | 44 | -14 | 28 |
16 | Udinese | 31 | 4 | 16 | 11 | 30 | 47 | -17 | 28 |
17 | Empoli | 32 | 7 | 7 | 18 | 25 | 48 | -23 | 28 |
18 | Frosinone | 32 | 6 | 9 | 17 | 40 | 63 | -23 | 27 |
19 | Sassuolo | 32 | 6 | 8 | 18 | 39 | 62 | -23 | 26 |
20 | Salernitana | 32 | 2 | 9 | 21 | 26 | 68 | -42 | 15 |
Athugasemdir