Reus var fjarri góðu gamni þegar Dortmund vann 4-0 sigur á erkifjendum sínum í Schalke er þýska úrvalsdeildin hófst aftur um síðustu helgi. Meiðsli hafa verið að plaga Reus frá því í febrúar síðastliðnum.

Leikurinn gegn Bayern, sem fram fer næstkomandi þriðjudag, er gríðarlega mikilvægur upp á titilbaráttuna að gera. Dortmund er fjórum stigum frá toppliði Bayern og þarf svo sannarlega á sigri að halda, en leikurinn er í Dortmund.

Axel Witsel og Emre Can verða líklega komnir aftur inn í lið Dortmund fyrir leikinn gegn Bayern.